ILOILO CITY – Indi madali nga ipakansela ang purchase order sang Iloilo City Government.
Ini ang sabat ni Mr. Joren Sartorio, pinuno sang General Services Office (GSO), sa pahayag ni Iloilo City Mayor Jerry Treñas nga ipakansela ang mga ginapahayag overprice nga purchase order.
Sa interview sang Bombo Radyo kay Sartorio, iya ginpahayag nga ang mga purchase order nga ginatumod ni Treñas ang yara pa subong sa City Legal Office.
Suno kay Sartorio, ginatun-an pa sang City Legal Office kun bala mahimo nga aprobahan ukon indi ang mga purchase order nga pending pa sa subong.
Ginpahayag sang natungdan nga indi mangin mahapos ang proseso bangud nga may yara sang kontrata nga ginpirmahan ang kontraktor kag ang Iloilo City Government.
Maga-agi anay sa common consensus suno kay Sartorio bag-o makansela ang purchase order.
