“Marites lang.”
Ini ang sabat ni former Ilocos Sur governor Chavit Singson sa mga rumor nga may yara siya sang “special relationship” sa aktres nga si Jillian Ward.
Suno sa 84-anyos nga pulitiko halin sa Ilocos, lunsay tsismis lang ang nagalapta nga mga istorya nahanungod sa iya pagka-link sa madamo nga babaye.
“Marites lang ‘yan, marites lang. Naririnig ko nga ‘yan. Marami ngang nali-link sa akin. Pero puro marites ‘yan,” pahayag sini.
Nagsugod ang espekulasyon sang nagguwa ang mga blind item nga may espesyal nga relasyon sa tunga nanday Singson kag Jillian, kag may netizens pa nga nagagatong sang istorya nga mas nagsuod ang pag-updanay sang duha.
Napa-“next question” naman si Singson sang ginpamangkot natuhoy kun may relasyon gid man sila anay ni Yen Santos.
Una na nga gin-athag ni Yen nga wala sila sang anak ni Singson, kag ang bata nga masami makita sang mga tawo amo ang iya manghod, kag si Singson naman ang maninoy sang iya nga utod.
Kun may isa man nga ginkumpirma si Singson, ini amo nga nagapangita siya subong sang romantic partner nga amo ang magatatap sa iya. Pahayag sini, gusto niya ini pakaslan, kag bukas siya sa kun sin-o man ini, sa kondisyon nga maayo lang ang tagipusuon.
“Talagang naghahanap ako ngayon ng pwedeng mapakasalan para may mag-aalaga naman sa akin. Para sa pagbibiyahe-biyahe ko, may makasama ako. Kahit na sino, basta maganda ang puso,” suno sa anay gobernador.
