Nagpasugot na si Russian President Vladimir Putin nga temporaryo nga mag-untat sa pag-atake sa Ukraine.
Ini ang resulta sang sugilanon nanday Putin kag US President Donald Trump paagi sa telepono.
Suno sa White House, indi anay pag-atakehon sang Russia ang mga energy infrastructure sang Ukraine.
Sa Marso 20, may patigayunon man nga bayluhanay sang 175 prisoners of war.
Ginhingyo man ni Putin nga dapat wala sang mangin paghulag ang mga suldado sang Ukraine sa sulod sang 30 ka adlaw nga ceasefire.
Matandaan nga sang nagligad nga semana, may pagsugilanon ang tiglawas sang US kag si Ukrainian President Volodymyr Zelensky sa Saudi Arabia may kaangtanan sa ceasefire sa duha ka pungsod.
