ILOILO CITY – Ipaidalom sa RT-PCR test ang mga driver sang Public Utility Vehicle lakip na ang mga vendor sa syudad sang Iloilo.
Sa interview sang Bombo Radyo kay Jeck Conlu, COVID-19 spokesperson sang Iloilo City Government, iya ginpahayag nga umpisa subong nga semana, iga-schedule na ang pagpatigayon sang RT-PCR test.
Suno kay Conlu, tunga-on per batch ang pagkuha sang swab sample agud nga indi maapektuhan ang sektor sang transportasyon kag ang baligaanay sang mga produkto.
Ginpahayag ni Conlu nga sa tion nga makuhaan na sang swab sample, kinahanglan nga magpaidalom sa quarantine ang mga driver kag ang mga vendor tubtub nga makaguwa ang resulta sang COVID-19 test.
Magahatag naman sang nagakaigo nga bulig ang Iloilo City Government para sa mga apektado nga pamilya.
