Buhi pa ang paglaum sang Creamline Cool Smashers nga madepensahan ang ila nga titulo sa nagapadayon nga Premier Volleyball League All-Filipino Conference.
Ini matapos ginlutos ang Petro Gazz sa hampang sa PhilSports Arena sa skor nga 27-25, 23-25, 27-25, 26-24.
Isa man sa nagbalik sa pwersa sang team amo ang three-time PVL Most Valuable Player nga si Tots Carlos nga bag-o lang naghalin sa iya kuntani tuyo nga makasulod sa Korean V-League.
Nakahimo ini sang 21 points samtang si Jema Galanza naman ang nagpanguna sa Cool Smashers nga may 23 points.
Atubangon sang Creamline ang Chery Tiggo Crossovers sa final semis sa Domingo sa Smart Araneta Coliseum kag pananglitan maka-abanse ini a best-of-three finale, tuyo sini nga makuha ang ikawalo nga kampyonato nga isa na naman ka record sa maragtas sang liga.
