Nagapanguna ang Premier Volleyball League (PVL) Most Valuable Player nga si Tots Carlos sa listahan sang mga Pinay players sa Asian Quota Draft sang 2024 Korean V-League Women.
Si Carlos nga four-time champion kag three-time MVP kaupod sa winningest club sa Pilipinas nga Creamline, ang nadala sa 36-player pool kaupod sa anay MVP nga si Mylene Paat sang Chery Tiggo Crossovers kag Petro Gazz ace nga si MJ Phillips.
Pananglitan mapilian, ini ang mangin una nga stint ni Carlos sa international scene matapos ang madinalag-on nga pagpanglakaak sang iya pangalan sa hampang diri sa Pilipinas.
Sa pihak nga bahin, na-draft si Phillips bilang ikalima sa Gwangju AI Peppers sang nagligad nga tuig, apang nabudlayan ang iya team kag nagsarurot sa idalom sang seven-team field bangud sa 5-31 nga win-loss card.
Natalana ini nga magbalik kaupod sa Petro Gazz sa 2024 All-Filipino samtang nga tinguhaan man sang iya nga orihinal nga PVL team nga makabalik sa semifinals.
Si Paat naman ang wala na-draft sang nagligad nga tuig apang indi na ini bag-uhan sa hampang sa luwas sang pungsod bangud nakaupod man ini anay sa Nakhon Ratchasima VC sang Thailand sa sulod sang isa ka tuig.
Balantayan ang Asian Quota Draft sang liga ang natalana subong nga bulan sa Jeju, South Korea.#
Photo: One Sports
