ILOILO – Nagapati ang military nga naghina na ang pwersa sang Communist Terrorist Group (CTG) sa Western Visayas.
Sa interview sang Bombo Radyo kay Army Lt. Col. J-Jay Javines, spokesperson sang 3rd Infantry Division sang Philippine Army, iya ginpahayag nga bangud sa serye sang engkwentro, nabuhinan na ang pwersa sang mga rebelde partikular ang mga myembro sang Regional Headquarters kag Central Front, Komiteng Rehiyon-Panay.
Suno kay Javines, amat-amat na nga nagakalamatay ang mga matag-as nga lider sang rebelde rason nga indi na ang mga ini tuman kabaskog kun ipaanggid sa mga nagliligad nga tuig.
Kun may mataas nga lider subong ang mga rebelde, isa na diri si Ma. Concepcion “Concha” Araneta-Bocala nga amo sa subong ang consultant sang National Democratic Front of the Philippines (NDFP).
Nagpanawagan man ini sa mga rebelde nga magbalik na sa sabak sang gobyerno.
