Nakatalana nga idugon ang pila ka mga fish vendors sa Iloilo Terminal Market kasunod sang himuon nga sewerage treatment plan sang merkado.
Sa interview sang Bombo Radyo kay Maricel Mabaquiao, Head sang Local Economic Enterprise Office, iya ginpahayag nga saylohon sa Rizal Street ang mga vendors bangud man nga ila pwesto subong ang maigo sang construction sewerage treatment plan.
Suno kay Mabaquiao, may yara na sang temporary shelves and stalls para sa mga vendors agud gamiton.
Masobra naman 20 ka mga vendors ang apektado sang amo nga adjustments suno sa natungdan.
Half lane naman sang ginatukod nga ding-ding ang pagaidugon agud mangin malapad para sa konstruksyon sang sewerage plan.
Ginpasigurado man sini nga makabaligya ang mga vendors kag mabalik gilayon kon matapos ang paghuman.
Nagalaum man si Mabaquiao nga magakaooperar ang mga vendors sa ila ginahingyo.
