Ginpatpat sang isa ka law expert ang kinalain sang Pyramid schemes kag Ponzi schemes nga masami ginalaragway nga ‘scam’ sa mga produkto kag serbisyo.
Sa interview sang Bombo Radyo kay Atty. Ma. Cristina T. Montelibano, Director II sang Securities and Exchange Commission- Iloilo Extension, iya ginpahayag ang pyramid scheme kag Ponzi schemes ang pareho nga malimbungon, apang magkatuhay sila sa core mechanism.
Suno kay Montelibano, ang mga pyramid scheme nagatutok sa pagkuha sang bag-o nga mga miyembro para sa primary source sang income, samtang ang mga Ponzi scheme nagasaad sang mga pagbalik sa mga investments, nga ang mga pagbalik aktuwal nga ginapondohan sang bag-o nga mga investors.
Dugang sini nga ang structure sang duha ka scams amo ang isa ka network sang mga partisipante sa diin ang tagsa ka tawo ginatugyanan sa pag-receuit sang ila kaugalingon nga mga sakop, nga nagaganar gikan sa ila mga sales kag recruitments.
Nagpanugyan man ini sa publiko nga pangitaon ang ebidensya sang lehitimo nga pagbaligya sang produkto kag likawan ang wala marehistro ukon wala lisensya nga mga investments.
Ginpahayag man ni Montelibano nga i-verify ang identidad sang tawo ukon kompanya nga nagatanyag sang oportunidad sa investments kag mag-research sang maayo.
