ILOILO CITY – Ginpasiguro sang Qatar ang kaluwasan sang mga Pilipino nga nagatrabaho sa nasambit nga pungsod.
Ini ang ginpahayag ni Labor Secretary Silvestre Bello III sa interview sang Bombo Radyo Iloilo.
Suno kay Bello, kahapon nagpakigkita sa iya si Qatar Ambassador to the Philippines Ali Bin Ibrahim Al-Maliki ayud masigurado nga luwas ang mga Pinoy sa ila pungsod.
Nagapati ang Labor secretary nga maresolba sang mga Arab nations bangud lunsay ang mga ini Sunni Muslims.
Ginpahayag ni Sec. Bello nga nagsunggudanay lang ang mga pungsod kag wala sang dapat kabalak-an ang kapin 250,000 nga mga Pinoy sa Qatar.