Indi madayon ang masunod nga hearing sang quad committee sa Kamara nga nauna na nga gin-schedule sa Huwebes, Nobyembre 21.
Suno kay Surigao del Norte 2nd District Rep. Robert Ace Barbers nga overall chairman sang joint committee, iga-resume nila ang hearing pagkasunod nga semana.
Wala sang rason nga ginhatag si Barbers sa kanselasyon, apang antes sini, sa isa ka press briefing, ginsiling ni La Union 1st District Rep. Paolo Ortega nga ginakonsiderar ang postponement bangud sa impact sang sunod-sunod nga mga bagyo sa mga lugar kun sa diin nagaserbe pa mismo ang mga mamalidha ilabi na sa South Luzon.
Sang Oktubre 24, matandaan nga una man nga gin-postpone ang hearing sang quad comm para mapasulabi sang quad committee kag House committee on good government and public accountability ang relief operations sa areas nga gin-igu ni anay Severe Tropical Storm Kristine.
Sang Nobyembre 12, gin-reschedule man kuntani ang hearing sang quad comm apang may drama nga natabo sang nagwangal ang kampo ni anay Presidente Rodrigo Duterte bangud matambong na ini sa inquiry rason nga gindayon gid sang mega panel para nga ma-maximize ang attendance sang former president.
Ang nagabug-os sa quad comm amo ang committee on dangerous drugs ni Barbers, ang committee on public order and safety, ang committee on public accounts, kag ang committee on human rights.
Gina-imbestigaran diri ang possible correlations sa illegal activities sa Philippine offshore gaming operators hubs, ang illicit drug trade, kag ang alleged extrajudicial killings sa drug war ni Duterte.
