ILOILO CITY- Kinahanglan makakuha sang quarantine pass ang tagsa ka indibidwal nga magasulod sa syudad sang Iloilo bilang kahabin sang safety measures nga ginapatuman, agud indi na maglapta pa ang coronavirus disease 2019.
Sa interview sang Bombo Radyo kay Public Safety and Transportation Management Office Head, Jeck Conlu, iya ginpahayag nga, tinutuyo nila amo nga malimitahan ang numero sang mga persona nga nagasulod sa syudad bangud sa ginapatuman nga enhanced community quarantine.
Suno kay Conlu, ang quarantine pass ang pagakuhaon sang isa ka pamilya ukon sang boarders sa ila ka mga Barangay Officials kag diri mahibaluan kunbala angis ka residente ang persons under monitoring.
Pahayag ni Conlu, isa lang ka quarantine pass ang igahatag sa tagsa ka pamilya kag isa lang man ka katapo sini ang makagwa agud makabakal sang kun ano ang ila kinahanglanon.
Bwas nga adlaw, Lunes Marso 23, ang wala sang may ipakita nga quarantine pass ang indi pagpahanugutan nga makasulod sa syudad sang Iloilo.
Nagapawagan man si Conlu nga kun mahimo mahangpan sang mga pumuluyo ag ginapatuman nga enhanced comunity quarantine
