DOHA, QATAR– Padayun ang ginapatuman nga Quarantine sa Qatar bangud sa coronavirus disease 2019 pandemic.
Sa report ni Bombo International Correspondent Yana Bernas direkta sa Qatar, iya ginpahayag nga ginapatuman ang ‘ no work, no pay’ policy sa ila nga mga nagatrabaho sa restaurant.
Suno kay Bernas, makagwa lang sila sa ila gina-estaran kun may yara sang importante nga mga balaklon kaangay sang groceries kag bulong.
Samtang suno kay Bernas, naka-apply naman sila online sa DOLE-AKAP program sa diin, may yara sang cash assistance nga $200 ukon P10,000.
Pahayag pa niya, nakapasa naman sila sang mga rekisitos nga kinahanglanon kaangay sang valid passport, work permit, airline ticket, proof of emloyment, visa or re-entry, kag iban pa.
Subong suno sa iya, ginahulat nalang nila ang lima ka adlaw kun bala, pasado kag isa sila sa mga makabatun sang cash assistance nagikan sa gobyerno sang gobyerno.
Nahibaluan nga sa subong, madamo nga mga Overseas Filipino Workers ang apektado sang quarantine sa Qatar sa diin, pila sa ila ang nawad-an na sang trabaho kag wala na nakapadala pa sa ila tagsa ka pamilya sa Pilipinas.
