DUMANGAS, ILOILO – Gin-ako sang Iloilo Provincial Environment and Natural Resources Office nga may yara sang batil malapit sa Jalaur River sa Barangay Bantud Fabrica, Dumangas, Iloilo nga amo ang ginareklamo sang mga pumuluyo sa barangay nga iligal ang ginapatigayon nga quarry.
Sa interview sang Bombo Radyo kay Atty. Arturo Cangrejo, pinuno sang Provincial Environment and Natural Resources Office, iya ginpahayag nga may yara sang permit ang quarry sa nasambit nga Barangay sa diin ini ang maga-expire pa sa bulan sang Mayo subong nga tuig.
Suno kay Cangrejo, hugot nga ginadumilian sang opisina ang pag-operate sang quarry kun expire na ang permit.
Mahimo nga nakahambal ang mga pumuluyo nga iligal ang quarry bangud nakita nila nga gab-i na kun magkuha sang balas ang mga naga quarry sa lugar.
Ang batil nga nagasulod kun magnubo ang tubig sa suba kag nagakuha sang balas agud nga ibaligya sa Guimaras.
Dugang pa sang natungdan, indi ma konsidera nga iligal ang quarry nga ginahimo sa nasambit nga barangay bangud may yara sang ini sang approved-permit area sa idalom sang pangalan ni Alfonso Deocampo.
