Ginkumpirma sang Royal Palace sang Thailand nga nagtaliwan sa edad nga 93-anyos si former Queen Sirikit.
Iloy siya sang current Thai King nga si Maha Vajiralongkorn. Ang iya bana amo ang longest-reigning monarch sang Thailand nga si Bhumibol Adulyadej nga naglawig sang pito ka dekada sa trono.
Suno sa Thai Royal Household Bureau, nagtaliwan ang reyna sa Bangkok hospital (21:21 local time). Ginsiling man sa statement nga nagsuprer si Sirikit sang madamo nga balatian samtang yara sa ospital halin sang 2019 lakip na ang blood infection subong nga bulan.
Kasunod sang hitabo, nagmandu si King Vajiralongkorn sa Thai Royal Household Bureau nga mag-organisar sang royal funeral. Igahaya ang bangkay sang reyna sa Dusit Thorne Hall sa Grand Palace sa Bangkok.
Maga-obserbar man ang Thai royal family members sang isa ka tuig nga period of mourning.
Nahibaluan nga ginakilala si Sirikit bilang mataas nga maternal figure sa Thailand, kun sa diin ang iya kaadlawan nga Agusto 12 amo man ang petsa nga gina-selebrar ang Mother’s Day kag nangin national holiday halin sang 1976.
Sang 2012, nagsuprer siya sang stroke. Kasunod sini, malaka na lang ang iya pagguwa sa publiko.#
