ILOILO CITY – Tuman ang pagpasalamat sang Queen of All Media nga si Kris Aquino sa iya mga doctors kag sa mga nagpangamuyo sa iya ikaayong lawas kadungan sang iya pag-share nga finally, may yara na sang treatment sa iya ginabatyag apisar nga madamos ang limitations nga tuga sang iya nga allergies.
Ini ang ginpakigbahin ni Kris pinaagi sa pagpakita sang video compilation sang iya consultation sa iya mga doctors.
Lakip man sa video nga iya gin-share ang pila niya ka pictures ang nasal swelling, rashes sa panit, subong man mga lagub kag discoloration bangud sa enlarged blood vessels.
Suno kay Kris, na-memorize na niya ang medical results nga dapat niya kabalak-an gani, nahibaluan na niya nga ang mga latest reports ang alarming.
Ginpasalamatan man ni Kris ang mga tawo nga nagpangamuyo para sa iya nga gintawag niya nga rainbow sa iya kabuhi.
Grateful man ini sa pila ka mga tawo nga ginakabig niya nga “special people” nga nag-upod sa iya medical journey nga wala na niya ginhingadlan agud nga mahilayo sila sa “harsh judgement.”
Nahibaluan nga si Kris nga na-diagnose sang pila ka autoimmune conditions, ang yara sa California upod sa iya anak nga si Bimby.
Sang damlag lang, nakita si Kris nga naga-bonding upod kay Batangas Vice Gov. Mark Leviste.
Una na nga ginklaro ni Kris nga si Leviste ang “best male friend” lamang niya.
