Naka-record ang Quezon City sang 146 ka kaso sang COVID-19 humalin Mayo 21 tubtob Hulyo 1.
Samtang nagsaka naman sang 265.22 % ang mga kaso sa nagligad nga tatlo ka semana, suno sa Quezon City Epidemiology and Surveillance Division (QCESD).
Pinakadamo sang mga kaso ang na-record sa mga kabataan nga naga-edad sang 14 anyos panubo.
Nagsunod ang mga nagapang-edad 25 yrs old tubtob 29 yrs old kag mga senior citizen nga 60 anyos pataas.
Ginapahanumdom naman ang publiko nga padayon nga sundon ang mga health protocol kaangay sang pagsuksok sang face mask kun may sintomas, permi nga paghugas sang kamot, kag pagpabilin sa balay kun nagamasakit.
