Ginbuksan na liwat ang iconic nga Quezon Hall sang West Visayas State University (WVSU) sa La Paz, Iloilo City matapos nga gin-restore ini.
Ang maragtason nga building nga nahuman sang 1926 ang ginpaidalom sa isa ka komprehensibo nga renovation agud ma- address ang mga concerns sa struktura kag himuon nga mas mangin moderno ang pasilidad.
Sa interviewsang Bombo Radyo kay Dr. Joselito Villaruz, presidente sang unibersidad, iya ginpahayag nga ang Quezon Hall project ang nagapakita sa paghatag sang balor sa pagkonekta sa mga manami nga buildings kag structures sa mas ginpaayo nga learning kag working environment padulong sa mas malawig nga investments sa edukasyon.
Suno kay Villaruz, tuman ang iya kalipay nga paagi sini nga proyekto, napreserba sang unibersidad ang estado sini bilang cultural icon of education kag history.
Ang restored Quezon Hall ang may yara subong sang 24 ka bag-o nga classrooms nga may mga bangko kag lamesa, faculty rooms, kag administrative offices.
Ang magadumala sini nga pasilidad amo ang College of Arts and Sciences.
