Nag-file sang petisyon ang kampo ni Pastor Apollo Quiboloy para nga indi pagpasugtan sang korte ang hingyo ni Senator Risa Hontiveros nga paatubangon ang pastor sa hearing sang Senado.
Suno sa 27 ka pahina nga petisyon, indi na “in aid of legislation” ang gusto matabo ni Hontiveros kundi mga isyu nga subject na sa proceedings nga yara naman sa korte.
“The matters that Sen. Hontiveros wishes to inquire of the accused are no longer in aid of legislation, but are already justiciable issues subject of a court proceeding,” kabahin sang petisyon.
“Well, as to the message to Sen. Hontiveros, I hope and pray that she would also recognize that everything that will be discussed outside the court would be sub judice already. This is already under judicial consideration. The case is now being tried in court,” suno naman sa legal counsel ni Quiboloy nga si Atty. Israelito Torreon.
Nahibaluan nga naka-detain subong ang pastor sa sa Philippine National Police (PNP) halin pa sang Septyembre bangud sa akusasyon sang human trafficking kag child abuse nga iya man ginpanginwala.
Matandaan nga si Hontiveros nga chairperson sang Senate Committee on Women, Children, Family Relations and Gender Equality ang pormal nga naghingyo kanday Pasig City Regional Trial Court Branch 159 Judge Elma Mendoza Rafallo-Lingan kag Quezon City Regional Trial Court Branch 106 Judge Noel Parel nga paatubangon si Quiboloy sa Senado.
Una na nga may panel hearings batok kay Quiboloy sang Enero 23, Pebrero 19, kag Marso 5, apang nauntat ini bangud wala man nagpakita ang pastor kag nagpanago ini pati sa otoridad.
