ILOILO CITY–Ginhatag na sang Iloilo City Government sa Public Safety and Transportation Management Office (PSTMO) ang duha ka patrol para sa Quick Response Team.
Sa interview sang Bombo Radyo kay Mayor Jose Espinosa III, iya ginpahayag nga ang Quick Response Team ang operational 24/7 agud nga magbulig sa nagkalain la-in nga task force kag department sang city government.
Katungdanan man sang Quick Response Team amo ang pagbulig sa Iloilo City Emergency Response (ICER) sa tion sang emerhensya.
Magluwas diri, magabulig man sa dalagan sang trapiko ang nagabug-os sang gintukod nga Quick Response Team.
Mas maayo suno kay Espinosa nga Toyota Hilux ang ginhimu nga service patrol bangud ini ang 4×4 pick-up kag mahimo magamit sa tion sang rubo-rubo.
Samtang, operational na ang Quick Response Team sang Iloilo City Government.
Sa interview sang Bombo Radyo kay Jeck Cunlo, pinuno sang PSTMO, iya ginpahayag nga operational na ang Quick Response Team nga magahatag sang bulig sa tion sang amerhensya kag sa pagbulig sa pagpatuman sang kalinong sa syudad.
Agud nga makapalab-ot sang mensahe, mahimo nga maka-contact sa hotline sang Quick Response Team nga 09292874635.
Gin-athag ni Cunlo nga indi man makabig nga wala sang pulos ang pagtukod sang Quick Response Team bangud lain man ang katungdanan sini sa Iloilo City Emergency Response (ICER) nga para sa emerhensya kag sang Iloilo City Police Office (ICPO) nga magapatuman naman sang kalinong.
Suno kay Cunlo, ang Quick Response Team ang magabulig sa mga nagkalain la-in nga sa task force kag departament sa syudad.