Ginkumpirma sang Senate Electoral Tribunal (SET) nga may pending nga quo warranto petition batok kay Senator Erwin Tulfo.
Ini nga petisyon isa ka legal action nga nagahangkat sa kinamatarong sang isa ka tawo nga mag-uyat sa posisyon sa gobyerno.
Base sa isa sa slides sang SET kadungan sang 2026 budget deliberation, gin-file ni “Berteni Cataluna Causing” ang petisyon sang Hulyo 15, 2025. Ang gin-cite nga ground sa petisyon amo ang ginaalegar nga ineligibility ni Tulfo bangud sa iya nga citizenship.
Matandaan nga nagpasaka man anay si Causing sang disqualification case batok kay Tulfo sang nagpadalagan ini sa pagkasenador sang midterm elections.
Madamo nga grounds ang gin-cite sa iya gin-file nga kaso kun sa diin nalakip ang disqualification bangud sa libel conviction sang 2008. Gin-akusahan man anay ni Causing si Tulfo nga nagalapas sa provision para sa equal access to opportunities para sa public service; gin-cite man sini ang anti-political dynasty; kag gin-kwestyon man sini ang citizenship kag academic qualifications ni Tulfo.
Sang Marso, ginbasura sang Commission on Elections (COMELEC) ang amo nga disqualification case.
Sa statement sang senador, ginsiling sini nga nakahibalo siya nga may pending petition si Causing kag handa siya nga atubangon ini.
“Matatandaang kaparehong tao rin po, na isang disbarred lawyer, ang paulit-ulit na nag-file ng disqualification case laban sa akin noong panahon ng kampanya kaya di na rin po tayo nagulat. At lahat po ng DQ cases na isinampa ng taong ito laban sa akin ay dismissed na,” pahayag sang senador.
Padayon ang trabaho suno pa sa iya. “Sa kabila ng lahat ng ito, tuloy lang po tayo sa trabaho. Inihalal po tayo ng taumbayan para maglingkod at yun ang patuloy nating ginagawa.”#
 nga may pending nga quo warranto petition batok kay Senator Erwin Tulfo.){kind=link}