πππ’πππ’ β Ginakulang na ang rabbies vaccine sang Iloilo Provincial Health Office (IPHO) kasunod sang pagtaas sang mga insidente sang mga nakagat sang ido sa Iloilo.
Sa interview sang Bombo Radyo kay Dr. Maria Socorro QuiΓ±on, Head sang Iloilo Provincial Health Office, iya ginpahayag nga sugod sang Enero tubtob Hunyo 8, 2024, apat na ang napatay bangud sa rabbies nga naghalin sa banwa sang Pototan, Dumangas, kag Alimodian, sa diin, nagsaka sang 50% kun ikumpara sang tinalikdan nga tuig sa kapareho nga time period.
Suno kay QuiΓ±on, ang gin-alokar nga pondo ang yara sa P5 million para sa rabies vaccines, sa diin, gindugangan pa sang P3.5 million agud nga ibakal sang dugang nga mga bakuna.
Apang, ini ang nagapabilin nga kulang apisar pa nga nag-donar ang Department of Health (DOH) sang 1,500 vials nga bakuna.
Ginpahayag man ni QuiΓ±on nga indi ini mangin bastante tubtob sa kataposan sang 2024 bangud man sa pagsaka sang demand.
Santo sa data sang talatapan, sang 2021, naka-record sang 40,183 nga animal bite cases; sang 2022, nagsaka ini sa 46,308 nga mas nagdoble sang 2023, sa diin, naglab-ot sa 72,805 cases.
Subong naman nga first quarter sang 2024, may yara na sang 14,632 sang mga nagpabakuna sang rabbies vaccine matapos nga nakagat sang ido ukon kuring.
Nahibaluan nga may yara sang 17 animal bite centers sa Iloilo, sa diin, 13 diri ang may treatment center.
Ginaduso naman sang talatapan ang ‘responsible pet ownership’ agud nga malikawan nga magsaka pagid ang kaso sang mga nakagat sang ido subong nga tuig.
