Radio broadcaster nga ginluthang sa Albay, ginbawian sang kabuhi sa ospital

Ginkumpirma sang kapulisan nga ginbawian na sang kabuhi ang isa ka radio broadcaster nga ginluthang sa national highway sa Morera, Guinobatan, Albay.

Ang biktima nga si Noel Bellen Samar, 54, ang gintiro sang apat ka beses gamit ang ginapatihan nga .45-caliber pistol.

Matandaan nga natabo ang insidente pasado alas nueve sang aga sang Lunes kag ginhingagaw pa dala sa ospital ang biktima kag gin-operahan apang sang ulihi gindeklarar nga patay na.

Wala pa sa gihapon natumod kun sin-o ang mga suspek.

Gina-imbestigaran ang posibilidad nga may kaangtanan ini sa iya trabaho sa media.

Base sa CCTV footage suno sa Albay police, ginsundan ang biktima sang duha ka suspek nga nagasakay sa motorsiklo kag ginpatung-an nila ini antes ang ambush.

May yara na subong sang person of interest kag nagpasaligang pulis nga resolbahon ang kaso agud mahatagan sang hustisya ang biktima.#