Ipadala sang Espanya ang tennis legend nga si Rafael Nadal kag ang bag-o lang nagkampyon sa French Open nga si Carlos Alcaraz para sa men’s doubles sa Paris Olympics.
2008 sang nadag-an ni Nadal ang gold medal sa Olympiada, samtang ini naman ang una nga pagtapak sang 21-anyos nga si Alcaraz sa Olympic stage.
Apisar nga beterano na si Nadal nga isa man ka 14-time French Open champion, nagasuprer pa ini sa injuries, apang sandig sa anunsyo sang Royal Spanish Tennis Federation (RFET), ginpasigurado na sang national team coach nga si David Ferrer nga nagpasugot ang 38-anyos nga tennis superstar nga makaupod si Alcaraz.
“The Olympic Games are every four years and it’s a special tournament where you’re not only playing for yourself, but for a country, representing every Spaniard,” pahayag anay sang No. 2-ranked nga next gen star. “I think this year I’d choose Olympic gold.”
Sang nagligad lamang nga adlaw sang naghimo sang maragtas si Alcaraz bilang pinakabata nga kampyon sa French Open, kag pinakabata man nga nakadaog sa tatlo ka surfaces nga amo ang French Open, US Open, kag Wimbledon.
Balantayan ang Olympiada sa Hulyo 26-Agusto 11.
