ILOILO CITY – Ginpatawag ni House Speaker Ferdinand Martin Romualdez sanday Executive Assistant Raisa Treñas-Chu kag Iloilo City Lone District Rep. Julienne ‘JamJam’ Baronda.
Nahibaluan nga sanday Treñas-Chu kag Baronda ang ginalantaw nga magabunggu-anay sa pagka-kongresista sa Iloilo City.
Sa interview sang Bombo Radyo kay Treñas-Chu, iya ginpahayag nga lakip sa naistoryahan nila amo ang nahanungod sa dalagan sang politika sa Iloilo City.
Si Treñas-Chu ang myembro sang National Unity Party (NUP) samtang si Baronda naman ang myembro sang Lakas-Christian Muslim Democrats (Lakas-CMD).
Si Baronda kag Romualdez ang lunsay katapo sang Lakas-CMD sa diin ang House Speaker amo ang nagapungko nga presidente sang partido.
Ang NUP kag Lakas-CMD ang sa subong, kabahin sang coalition kaupod ang ruling party nga Partido Federal ng Pilipinas (PFP).
Suno kay Treñas-Chu, itugyan na lang sini sa House Speaker ang pagpalayag sa ila mga naistoryahan.
“IT has been leaked to certain members of the media that a meeting with Speaker Romualdez which I supposedly initiated took place early this week. With respect to SPEAKER ROMUALDEZ, I encourage the media to ask him directly what transpired and who initiated this meeting. I am not one to break the confidentiality of that meeting. But do ask him.”
Kaupod man sa nasambit nga pag-istoryahanay suno sa natungdan ang mga kongresista sa Iloilo.
