ILOILO CITY- Opisyal na nga gin-anunsyo ni Rajon Rondo ang iya retirement gikan sa NBA matapos ang 16 seasons.
Suno sa 38-anyos nga point guard, luyag niya nga ihatag subong ang iya atensyon sa iya kabataan.
Si Rondo nga four-time All-Star kag two-time NBA champion,ulihi nga naghampang sang 2021-22 season sa Los Angeles Lakers kag Cleveland Cavaliers.
Nanguna siya sa NBA sa steals per game sang 2009-10 kag sa assists per game sang 2011-12, 2012-13 kag 2015-16.
Nalakip siya All-Defensive Team sang liga sang apat ka beses kag nagdaug sang NBA titles upod sa Boston Celtics sang 2007-08 kag Lakers sang 2019-20 Lakers.
