Ginkumpirma ni Iglesia ni Cristo (INC) spokesperson Bro. Edwil Zabala nga ang ila rally sa EDSA subong nga aga ang ginpatigayon bilang suporta kay Senator Rodante Marcoleta.
Natabo ini matapos gin-anunsyo sang Ombudsman nga kasuhan si Marcoleta sang plunder.
“Hindi tutol ang INC sa pagtutupad ng batas pero tutol kami sa pagbaluktot sa batas lalo na kung ang layunin ay para pagtakpan ang katiwalian,” suno kay Zabala. “Gaya ng alam ng marami, si Sen. Rodante Marcoleta nanguna sa pag imbestiga sa isa sa pinakamalaking pandarambong na naganap sa ating kasaysayan.”
Suno sa natungdan, nagapanawagan ang INC nga bisan ipapreso man si Marcoleta, indi sila mag-untat sa pagpanawagan sang hustisya.
“Nanawagan kami para sa transparency, accountability, justice and peace. Kaya nais naming iparinig sa mga kinauukulan na kahit ipakulong nila si Sen. Marcoleta ay hindi kami titigil sa paghingi ng katarungan para sa mga kababayan natin na ninakawan. Gusto namin ipaalam sa kanila na isang injustice ang selective justice,” dugang sini.
Sandig sa pagbanta sang Quezon City Police District (QCPD), nagdangat na sa 7,000 ang crowd estimate as 6:45 a.m.
Kadam-an sang mga nag-upod sa protesta ang nagasuksok sang shirts nga pareho man sila ginsuksok sa ICC National Rally for Peace sang Enero 2025 kag Rally for Transparency and Accountability sang Nobyembre 2025.
Kahapon sang gin-anunsyo ni Ombudsman Jesus Crispin “Boying” Remulla nga i-file subong nga semana ang non-bailable case batok kay Marcoleta sa Sandiganbayan nga kaangot sa campaign donations nga nagadangat sa P75 million.#
