Nagpanawagan si Vice President Sara Duterte sang pagpangamuyo kadungan sang obserbasyon sang mga Muslim sang balaan nga bulan sang Ramadan.
Sa iya gin-post nga video message, ginduso sang bise-presidente sa Muslim community nga ipangamuyo ang kalinong kag pagpatawad ilabi na sa mga pagpanghangkat nga maagyan sa personal nga kabuhi kag sa nasyon.
Nagbilin man ini sa mga Muslim nga mag-reflect sa importansya sang sakripisyo bilang banas nga nagagiya sa kasanag kag grasya.
”We are all called to reflect on the values of sacrifice and obedience as cornerstones to a path leading to enlightenment and grace,” pahayag sini.
“May the spirit of Ramadan guide your prayers and reflections while we look forward with profound hope and optimism to an inclusive and dignified future for every Filipino,” dugang sang presidente.
Nag-umpisa ang Ramadan sa Pilipinas kahapon, Marso 2, bangud wala sang nakit-an nga crescent moon sadtong Byernes, Pebrero 28, santo sa gin-anunsyo ni Bangsamoro Grand Mufti kag Executive Director of the Bangsamoro Darul-Ifta’ (BDI) heikh Abdulrauf Guialani.
Sa sini nga holy month, naga-puasa ang mga Muslim, nagapangamuyo, kag naga-reflect sa mga ginatudlo sang Islam.
