ILOILO CITY–Pagpakanubo para sa mga babayi ang pinakaulihi nga lahug ni Presidente Rodrigo Duterte tuhoy sa rape ukon pagpanghimulos.
Sa interview sang Bombo Radyo kay Lucy Fernandez sang Gabriela-Panay, iya ginpahayag nga insulto para sa mga babayi ang ginbuy-an nga pahayag ni Duterte tuhoy sa mga babayi nga amo ang rason sang pagtaas sang kaso sang rape sa Davao City.
Suno kay Fernandez, indi na sala sang isa ka babayi kun siya ang ginbugayan sang katahum.
Ang rape ang isa ka krimen kag indi makahalamot nga butang suno kay Fernandez.
Sa pagkamatuod suno kay Fernandez, madamu na sang kapaltahan si Duterte apang bisan pasaylo man lang wala gid sang may nabati-an gikan sa presidente.
Ginpahayag dugang sang natungdan nga sabaylo nga magserebe nga maayo nga pinuno, si Duterte pa mismo ang nagabastos sa mga Pilipino.