[𝙏𝙧𝙞𝙜𝙜𝙚𝙧 𝙬𝙖𝙧𝙣𝙞𝙣𝙜: 𝙏𝙝𝙚 𝙛𝙤𝙡𝙡𝙤𝙬𝙞𝙣𝙜 𝙣𝙚𝙬𝙨 𝙘𝙤𝙣𝙩𝙖𝙞𝙣𝙨 𝙙𝙚𝙩𝙖𝙞𝙡𝙨 𝙩𝙝𝙖𝙩 𝙢𝙖𝙮 𝙗𝙚 𝙙𝙞𝙨𝙩𝙧𝙚𝙨𝙨𝙞𝙣𝙜, 𝙥𝙖𝙧𝙩𝙞𝙘𝙪𝙡𝙖𝙧𝙡𝙮 𝙛𝙤𝙧 𝙧𝙖𝙥𝙚 𝙫𝙞𝙘𝙩𝙞𝙢𝙨/𝙨𝙪𝙧𝙫𝙞𝙫𝙤𝙧𝙨. 𝙍𝙚𝙖𝙙𝙚𝙧 𝙙𝙞𝙨𝙘𝙧𝙚𝙩𝙞𝙤𝙣 𝙞𝙨 𝙖𝙙𝙫𝙞𝙨𝙚𝙙.]
Natigayon na nga mapasaka ang kaso nga rape with homicide batok sa lolo sang pito ka tuig nga bata nga babaye nga ginhimuslan, ginhigtan ang liog kag ginsulod sa sako sa Brgy. Tampucao, Lambunao, Iloilo.
Sa kumpirmasyon ni PCapt. Winston Biadog, hepe sang Lambunao Municipal Police Station, iya ginpahayag nga ang iloy amo ang nagtindog bilang complainant kag ginahulat pa nga maggwa ang warrant of arrest.
Ang biktima amo si alyas Bebe, pito ka tuig ang edad, kag nasapwan sang iya nga lola sa ila banyo nga nasulod sa sako kag wala na sang pang-idalom nga panapton.
Matandaan nga sa ginpatigayon nga autopsy, nakita nga ang gintunaan sang kamatayon sang biktima amo ang pagkakuga.
Ginkumpirma man sang otoridad nga may natabo man nga sexual abuse sa bata.
