ILOILO CITY – Magapadala na ang gobyerno sang Rapid Reaction Team sa Qatar sa Lunes, sa tunga sang diplomatic crisis sa Doha kag mga kaangay nga Arab nations.
Sa interview sang Bombo Radyo Iloilo, ginpahayag ni Department of Labor and Employment (DOLE) Sec. Silvestro Bello III, ang augmentation force ang kinahanglan sa tion sang emerhensiya.
Ini ang magabulig sa contingent sang Pilipinas sa Qatar kun kinahanglan nga i-evacuate ang mga Pinoy.
Ginpasiguro ni Sec. Bello nga may contingency plan ang gobyerno apang gin-athag nga sa karon wala sang dapat kabalak-an sa sitwasyon sa Qatar.
Suno sa tiglikom, hugot nila nga ginamonitor ang sitwasyon sa Qatar kun sa diin kada oras nga naga-report sa iya ang Labor Attache.
Wala man ginapanugyan sang tiglikom sa mga Pinoy sa Doha nga bayaan ang ila trabaho, bangud nagapati ini nga maresolba ang krisis.