Sa subong nga panahon, na-uso na ang pagbutang sang nanuhay-tuhay nga duag sa buhok kalakip na ang nagkalain-lain nga hairstyle.
Wala diri nagpaulihe ang isa ka Mexican rapper bangud sa baylo nga magtrending siya sa iya musika, nangin bantog siya bangud sa iya bulawan nga mga buhok.
Siya amo si Dan Sur nga wala lang nagpa-ilis sang iya hair color kundi nagpa-ilis gid sang iya buhok sang gin-implant ang metal gold chains sa iya nga ulo.
Nahibaluan nga sa bulig sang internet kag social media, nangin mabudlay na para sa mga artist nga manotisyaran magluwas na lang kun may himuon ang mga ini nga maka-agaw gid sang atensyon sang publiko.
Wala naman napaslawan ang rapper bangud pat-od nga nangin agaw atensyon ini kasunod sang iya pag-ilis sang iya mga buhok sa gold chains nga gin-implant mismo sa iya bagul.
