Masami nga nagalab-ot gid sa breakup kun mahibaluan sang isa ka babayi ukon lalaki nga may ginatabo kag may karelasyon nga iban ang iya nobya ukon nobyo.
Pananglitan makapabusong pa gid ang lalaki sa iban nga babayi, doble-doble pa gid ang kasakit bangud lain na nga lebel ini sang pagluib.
Apang sa New York City, nakapukaw sang atensyon sang tanan ang ginhimo nga baby shower sang 22-anyos rapper kag soon to be daddy nga si Zeddy Will.
Indi lang abi para sa isa ka bata ang baby shower kundi para sa lima bangud lima man ka mga babayi ang iya dungan nga napabusong!
Ginpatigayon ang baby shower subong lamang nga Enero. Nag-upod pa sa isa lamang ka laragway si Will kag ang lima ka moms-to-be kag amo sini ang ginbutang sa ila nga invitation: “Welcome little Zeddy Wills 1-5.”
Isa ka partner ni Zeddy nga si Lizzy Ashliegh, 29, ang nagshare nga cool lamang ang ila nga relasyon kaupod sa apat ka iban pa nga mga babayi nga iya gintawag nga “Sister Wives”.
May yara man sila sang “untraditional family” photo sa guwa sang venue.
Ang iban pa nga mangin soon to be mommies amo sanday Bonnie B, Kay Merie, Jylene Vila, kag Iyanla Kalifa Galletti.
Gin-share ni Ashliegh nga nabaton nila ang isa kag isa bangud mas maayo man nga magdaku ang ila kabataan sa mas daku nga pamilya.
“Look at our beautiful family!” caption sini sa isa sa mga laragway. “We love our Baby Daddy! We will not ruin our babies’ lives! Our families have accepted this!”#
(Courtesy: Lizzy Ashliegh/Instagram via Times Now)
