ILOILO CITY – Indi pa matumod sang National Grid Corporation of the Philippines kun ano ang rason sang region-wide power interruption subong nga adlaw, Setyembre 24.
Sa interview sang Bombo Radyo kay Michelle Visera, corporate communications officer kag public affairs officer for Western Visayas sang National Grid Corporation of the Philippines, iya ginpahayag nga may yara sang system disturbance nga natabo apang indi pa matumod kun ano gid ang specific nga rason.
Suno kay Visera, bangud sa system disturbance, naapektuhan ang power supply kag nagluntad ang region-wide brownout.
Ginpahayag ni Visera nga ginahibalo pa kun bala ang deperensya ang yara mismo sa mga planta nga naga-produce sang power supply ukon sa National Grid Corporation of the Philippines nga nagaserbe nga taytay sa tunga sang power generators kag distribution utilities.
May kaangtanan diri, ginpasalig sang natungdan nga kun mangin estable na ang boltahe, amat-amat naman nga magabalik ang power supply sa bug-os nga rehiyon.
