OTON, ILOILO – Padayon pa nga ginahibalo sang Bureau of Fire Protection ang gintunaan sang sunog nga nagluntad sa Pakiad, Oton, Iloilo.
Sa interview sang Bombo Radyo kay Senior Fire Officer 1 Jude Romaquin, fire investigator sang Oton Fire Station, iya ginpahayag nga nag-umpisa ang sunog sa isa ka variety store.
Suno kay Romaquin, nagdangat sa walo ka mga stalls sang nasunog sa diin pito ang totally burned kag isa naman ang partially burned.
Apang ginahibalo pa nila kun may mga stalls nga wala naka-register sa barangay.
Nagdangat naman sa masobra P200,000 ang balor sang nagkalaupos nga propedad.
