Iloilo City – Preparado na ang mga lodging houses sa syudad sang Iloilo kadungan sang selebrasyon sa Valentine’s Day subong nga adlaw.
Sa interview sang Bombo Radyo kay Mea Rose Colorado, manager sang isa ka lodging house sa Baluarte, Molo, Iloilo City, iya ginpahayag nga magapabilin kag wala sang pagbag-o sa presyo sang mga kwarto.
Suno kay Colorado, ang room rate sang isa ka kwarto ang nagadangat sang P210, kag may dugang nga P70 para sa tatlo ka oras.
Nagpasiguro ang natungdan nga indi maghinulsol ang mga customer bangud sa katinlo sa lugar.
Samtang, suno kay Colorado, hugot nga ginadumilian sa lodging house ang mga menor de edad.
Ginatsikyar anay sang security guard ang identification card sang mga nagasulod kun sa diin ginapaguwa ang mga menor de edad kag sa tion nga matukiban nga nagalapas sa pagsulundan sang lugar.
