ILOILO CITY – Ginpahayag ni Former Trade Secretary Ramon Lopez nga ang ratification sang membership sang pungsod sa mega trade deal nga Regional Comprehensive Economic Partnership (RCEP) ang maka-enganyo sang investment sa Pilipinas.
Sa isa ka online forum upod ang Association for Philippines-China Understanding (APCU), ginpahayag ni Lopez ang importansya sang RCEP nga amo ang maka-lead sa market access sa nagkalain-lain nga bahin sang pungsod nga nagapasakop sa RCEP.
Ang RCEP ang isa ka trade accord nga naga-involve sang 10 ka myembro sang Association of South East Nations (ASEAN) upod ang China, India, Japan, South Korea, Australia kag New Zealand ang gin-aprubahan sang Palasyo sang Setyembre sang nagligad nga tuig kag gindala sa Senado para sa concurrence.
Ang treaties ukon international agreements nga ginsudlan sang gobyerno ang nagakinahanglan sang isa ka Senate concurrence.
Suno kay Lopez, 50% sang global manufacturing output sa RCEP areas ang maka-promote indi lamang sang market access sa RCEP participating countries.
Ang importante sa market access amo nga maka-enganyo ini sang investments sa participating countries.
Dugang pa niya, kun indi kabahin sang RCEP ang Pilipinas, may dako man nga problema sa agricultural export sa market access.
Nagalaum naman ini nga ang RCEP ang ma-ratify sa 19th Congress agud nga indi man maulihi ang pungsod.
