Heads up, pageant fans!
Mangin special guest sa Miss Universe Philippines 2023 ang reigning Miss Universe nga si R’Bonney Gabriel!
Updan sang Filipino-American beauty queen ang isa pa ka Miss Universe titleholder nga si Zozibini Tunzi nga amo ang guest host sa coronation night.
Si Gabriel amo ang pinakaulihi nga gin-anunsyo sang organisasyon nga nalakip sa “sensational hosts, world-class performers, kag queens” nga magapatahum pa sang sini nga edisyon sang national pageant.
Una na nga gin-anunsyo nga mangin main pageant hosts ang mga aktor nga sanday Alden Richards kag Xian Lim samtang mangin in-charge naman sa backstage sanday Miss Globe 2021 Maureen Montagne kag si Tim Yap.
Yara man sa star-studded event ang South Korean idol nga si Nam Woo-hyun kag Filipino American singer nga si Jessica Sanchez.
Patigayunon sa Mayo 13 ang coronation night kun sa diin ang tiglawas sang Iloilo City amo si Chloei Darl Gabales nga halin sa distrito sang Jaro. ##
