ILOILO CITY – Magapatigayon sang duha ka adlaw nga caravan ang Regional Civil Security Unit (RCSU)-6 sa pagkuha sang License to Own and Possess Firearms (LTOPF) kag Firearms Registration.
Sa interview sang Bombo Radyo kay Pol. Lt. Col. Arnel Solis, spokesperson sang Police Regional Office (PRO)-VI, ang caravan ang patigayunon sumugod bwas, Abril 1 tubtob Abril 2 sa 3rd floor sang isa ka mall sa distrito sang Mandurriao.
Suno kay Solis, mas ginpahapos ini nga proseso bangud ang tanan nga opisina kag ahensya ang yara na sa lugar kag indi na kinahanglan nga magbalik-balik pa.
Ang drug test kag neurological exam ang patigayunon mismo sa lugar samtang ang Finance Service sang PNP ang yara man sa venue nga amo ang mabaton para sa tanan nga balayran.
Sa mga aplikante, magdala sang valid ID kag National Police clearance.
Sa data sang RCSU-6, may masobra 28 ka libo nga unrenewed firearms sa Western Visayas.
Sa dugang nga palamangkutanon, magpakig-angot sa cellphone number nga 0947 262 3662 kag telephone number nga 335 4993.
