ILOILO CITY – Magapatigayon sang response cluster meeting ang Regional Disaster and Risk Reduction Management Council (RDRRMC)-VI subong nga adlaw agud istoryahan ang epekto sa rehiyon sang Tropical depression Agaton.
Una na nga ginpaidalom sa Red Alert Status ang Western Visayas bangud sang pagsulod sang Tropical Depression nga Agaton sa Philippine Area of Responsibility (PAR).
Sa idalom sang red alert status, activated ang response clusters kaangay sang search, rescue, kag retrieval.
Sa interview sang Bombo Radyo kay Cindy Ferrer, spokesperson sang RDRRMC VI, iya ginpahayag nga sa pinakaulihi nga update, ang Capiz pa gid lamang ang nakapasa sang report nga may yara sang pagbaha sa pila ka kabanwahanan.
Sa patigayunon nga pagsinapol, diri mahibaluan kun ano nga bulig ang kinahanglanon sa ground.
Ginahandaan naman sang Regional Disaster and Risk Reduction Management Council (RDRRMC)-VI ang pagsulod sang tropical storm Malakas nga ginalauman nga magasulod sa Philippine Area of Responsibility (PAR) bwas nga adlaw, Abril 12.
Nagpanugyan naman si Ferrer sa publiko nga mag-aligmat kag magbantay gid sang mga advisories sang ahensya.
