ILOILO – Wala ginadula sang Philippine Drug Enforcement Agency ang posibilidad nga may yara sang re-grouping sa mga drug personality nga katapo sang Odicta kag Prevendido drug group agud nga mapadayon ang illegal drug trade.
Sa interview sang Bombo Radyo kay Philippine Drug Enforcement Agency 6 Director Alex Tablate, iya ginpahayag nga may mga report siya nga nabaton apang indi pa niya ini makumpirma.
Suno kay Tablate, wala niya ginadula ang posibilidad nga may yara sang re-grouping sa mga drug personality bangud nga padayon sa gihapon ang illegal drug trade.
Sa pihak sini, ginpahayag ni Tablate nga naghina ang volume sang illegal drugs diri sa Iloilo ipaanggid sa Negros Occidental.
Sang damlag lang, ginpahayag sang natungdan nga nagsapol sila ni Police Regional Office 6 Director Rene Pamuspusan tuhoy sa mga lihok nga patigayunon sa pag-umpisa sang 2020.
Nahibalu-an nga sa Disyembre 12, patigayunon ang destruction sang illegal drugs nga nakuha sa drug operation sa bug-os nga Western Visayas.
