ILOILO CITY – Indi pa mahimo nga ipatuman sa pungsod Pilipinas ang re-vaccination ukon ang inoculation sang 2nd booster shot sa subong nga tion.
Ang re-vaccination ang ginaduso sang pila ka mga public officials.
Sa interview sang Bombo Radyo kay Dr. Ian Padilla, isa ka health expert, iya ginpahayag nga mahimo indi pa kinahanglan ang 2nd booster sa subong nga mga tion apang sa masunod nga bulan, mahimo naman ini ma-inoculate sa mga health care workers ilabi na sa mga doktor nga pirmi exposed sa mga pasyente nga pulmonary disease.
Dugang pa ni Padilla, indi pa sigurado ang Pilipinas sa amo nga tikang kag mahimo nga wala pa nagdugay ang paglantaw sang status sang epekto sang booster shots.
Ang COVID-19 ang daw kaangay sa flu kun sa diin, kada tuig ang pag-avail sang bakuna.
