Daw kaangay nga pang-social media lang ang nangin reaksyon sang defense team may kaangtanan sa ginbawi nga tatlo ka articles of impeachment batok kay Vice President Sara Duterte suno kay House Prosecutor Rep. Joel Chua.
Kasunod ini sang ginpabutyag nga strong objection sang kampo ni VP Sara matapos sang mga ini nga ginkakibot ang nangin lihok sang prosekusyon nga ibasura ang alleged confidential fund misuse, grave threats, kag bribery.
Suno kay Chua, ginhatagan gid sang option ang defense team para sa isa ka alternate presentation agud makahatag sila gilayon sang ila depensa sa tion tani nga matapos sang prosekusyon ang kada isa ka article.
Apang nagpamatok ang mga ini nga wala naman ginkontra ukon ginpilit sang prosecution team.
Pahayag sang Kongresista, nakahibalo man ang defense team nga nagakatabo ang pagbawi sang mga ebidensya bisan pa sa mga ordinaryo nga court hearing, rason nga ginkakibot nila nga ginkainit gid sang ulo sang kampo sang bise presidente ang ila nga nangin tikang.
