ILOILO – Promotion ang rason sang reassignment ni Iloilo Police Provincial Office Director Pol. Col. Paul Kenneth Lucas.
Ini ang gin-athag sa Bombo Radyo ni Police Lt. Col. Joem Malong, tagpamaba sang Police Regional Office 6, kasunod sang announcement nga epektibo kahapon nga adlaw, Setyembre 15, si Lucas ang gin-assign na bilang Chief Directorial Staff sang PNP-Finance Service sa Camp Crame.
Suno kay Malong, ang reassignment sa mas mataas nga posisyon ang requirement sa promotion by designation ni Lucas agud mangin Brigadier General.
Ang nabakantehan nga posisyon ni Lucas ang pagabuslan ni Police Col. Gilbert Gilbert Gorero nga amo ang nagaserbe nga
pinuno sang Regional Plans and Strategy Management Division sang Police Regional Office 6.
Ginpahayag ni Malong nga wala pa sang may napili-an agud nga magtal-os sa nabakantehan nga posisyon ni Gorero.
