Na-restore na ang mga rebolto sa station 13 sang Agony Hill sa banwa sang Alimodian, Iloilo, matapos nga ginlamhitan sang pinta sang mga kabataan.
Sa interview sang Bombo Radyo kay Calson Alinday, pintor, iya ginpahayag nga mga lima ka mga menor de edad kag lunsay mga high shool student, ang naglamhit sang pinta sa rebolto.
Suno kay Alinday, nakita niya nga ginbuksan sang mga menor ang lata sang pinta kag ginbasya ang unod sa imahen.
Ginalantaw nga tripping ang nagtulod sa mga kabataan para himuon ang nasambit nga akto.
Gindala naman sa Alimodian Muncipal Police Station sa Muncipal Social Welfare Development Office (MSWDO) ang lima ka mga menor de edad, kag ginpaatubang kay Alimodian, Iloilo Mayor Ian Keneth Alfiche.
