ILOILO CITY – Patigayunon na subong nga adlaw, Disyembre 16 ang Red and Green Christmas sa Iloilo Provincial Capitol.
Ini ang may katuyuan nga i-highlight ang food security kag renewable energy campaign sang probinsya.
Sa interview sang Bombo Radyo kay Atty. Dennis Ventilacion, iya ginpahayag nga may yara man sang Red Zone sa Kapitolyo Christmas Pork Festival kun sa diin, highlight diri ang TAHUM ukon Tapak, Hugas kag Malimpyo nga Pagpakaon Campaign– ang ang minimum biosecurity standards sang provincial government para sa African swine fever.
Ang TAHUM Campaign ang naga-promote sang biosecurity measures kaangay sang pagtapak sa footbath mats antes magsulod sa household ukon farms; masami nga paghugas sang kamot kag ang regular disinfection sang mga farms; kag safe feeding gamit ang matinlo ang tubig kag hog feeds nagikan sa reputable kag AS- free sources.
May yara man sang launching sang Iloilo Province Goes Renewable Energy ukon Iloilo Pro-GReEn Program nga naga-promote sang development kag utilization sang renewable energy kag subong man, pag-implementar sang energy efficiency kag conservation program.
Ini ang kadungan man sang National Energy Consciousness Month sang Department of Energy.
May yara sang programa karon sa hapon kag pagasundan sang launching sang food festival sa Capitol Park nga magalawig tubtob Disyembre 22.
Ini ang magatakup pinaagi sa isa ka fireworks display sa Iloilo Provincial Capitol Grounds.
