Naglab-ot a P271 bilyon nga mga “red flags” sa bag-o nga 2026 budget sang Department of Public Works and Highways (DPWH) ang nadiskubrehan ni Senator Sherwin Gatchalian.
Suno kay Gatchalian, may apat ka klase sang red flags nga ginalakipan sang mga road project nga wala sang station number, 40 ka doble nga proyekto, 42 ka phased projects, kag halos 10,000 nga proyekto nga ginbalik sa 2026 bisan na-pondohan na sa 2025.
Ginpahayag niya nga ang 4,566 ka proyekto nga wala station number nagabalor sang P200 bilyon.
Suno kay Gatchalian, pinakakritikal pa gid bangud may 946 ka proyekto nga ginbalik sa 2026 budget bisan ara na ini sa 2025 nga may kabug-usan nga balor nga P14 bilyon.
Ginpanawagan ni Gatchalian nga ipa-iway anay ang deliberasyon sang budget sang DPWH agud matan-aw ang mga isyu.
Ginhingyo man ni Gatchalian ang mas detalyado nga impormasyon sa kada proyekto, lakip na ang specific location.
Sa pihak sini, gin-ako ni DPWH Secretary Vince Dizon ang problema kag nagsiling nga ipa-validate niya ang mga proyekto, kag ipabasura ang 40 ka duplicate, 42 phased projects, kag ang mga reappearing projects.
Ginpahayag man ni Dizon nga ang pila sa mga proyekto nga nagbalik sa 2026 budget basi wala pa natapos, gani kinahanglan pa gid ini i-validate.
Ginpabutyag naman ni Gatchalian nga ang pagpadayon sang mga proyekto nga may red flags mahimo magresulta sa isa pa ka isyu sang ghost projects, rason nga dapat ini gilayon matapna sang DPWH.
