ILOILO CITY – Gilayon nga ginpasirado ang pila ka bubon kag gin-untat ang operasyon sang refilling station kag vendo machines sa Barangay Rizal Estanzuela, Iloilo City Proper bangud nga nagpositibo sa E.coli kag sa iban pa nga bacteria ang water sample nga nakuha sa ila.
Sa interview sang Bombo Radyo kay Barangay Kagawad June Mark Peralta, iya ginpahayag nga lakip sa mga ginpasirado amo ang isa ka refilling station, duha ka bubon kag tatlo ka vendo machines.
Agud nga masigurado nga safe sa bacteria ang iban pa nga mga bubon, kuhaan man sang water sample ang mga ini kag ipaidalom sa laboratory examination.
Nahibaluan nga 16 na ka mga kaso sang acute gastroenteritis ang na-record sa barangay.
Ang City Disaster Risk Reduction and Management Council sang resolusyon nga nagadeklarar sang Iloilo City sa idalom sang State of Calamity bangud sa food kag waterborne diseases.
Ini matapos nga gindeklarar sang City Health Office ang outbreak sang acute gastroenteritis (AGE) kag cholera sa diin naglab-ot na sa 90 ang kaso kag apat ang patay as of August 28.
