Tuman ang pagdayaw ni National Task Force Against COVID-19 Chief Implementer Secretary Carlito Galvez Jr. sa Region 6 matapos ang iya pag inspeksyon sa nagkalain-lain nga ospital kag laboratoryo nga dako ang nangin papel sa pagbato sang Western Visayas sa Coronavirus Disease 2019 nga gin lakipan sang Medical City
QualiMed Hospital, Metro Iloilo Hospital and Medical Center, Inc., Western Visayas Medical Center nga amo ang sub national laboratory sang rehiyon kag ang West Visayas State University Medical Center.
Suno kay Galvez, sa iya ginpatigayon nga pag inspeksyon nakit-an niya ang kahandaan sang Western Visayas sa pagbato sa COVID-19.
Dugang sang natungdan, dalayawon man ang mga pasilidad kag ospital sang rehiyon.
Santo pa kay Galvez, tuman sya nga nalipay sa iya naabtan kag nakita sa Iloilo kag sa bilog nga rehiyon.
Bangud diri nagpasalig ang natungdan nga siguraduhon niya nga makalab-ot kay Presidente Rodrigo Duterte nga makabig nga modelo ang rehiyon 6 sa bilog nga pungsod kun preparasyon sa COVID-19 ang pagahambalan.
Gindayaw man sang tiglikom ang One Panay Act nga ginpangunahan ni Iloilo City Mayor Jerry Treñas.
Iya man nga ginakalipay ang amat-amat nga pagnubo sang kaso sang COVID-19 sa rehiyon.
