Ginatudlo sang anay opisyal sang Philippine Health Insurance Corp. (PhilHealth) nga ang matuod nga “mafia” sa ahensya amo ang mga opisyales nga yara sa regional offices.
Suno kay anay senior vice president for the legal sector Rodolfo del Rosario Jr., sa regional offices makit-an ang binilyon nga mga kwestyonable nga claims sang health care providers gikan sa ahensya.
Si Del Rosario ang isa sa mga ginpangalanan sa Senate hearing bilang kabahin sang PhilHealth mafia.
Ginakabig man ni Del Rosario nga mga “untouchables” ang mga regional officials bangud kun hilabtan ang mga ini, sigurado nga may yara ikaw sang konsekwensya nga atubangon.
Sa pagkamatuod pahayag niya, sang nakaligad nga administrasyon, ginapabay-an lang nga naka-pending ang mga reklamo batuk sa mga ginatumod niya nga mga opisyal.
